"220 manat idi, bu il düşüb" | Yeni il bəzəklərinin qiymətləri necədir? - Baku TV

Yeni ilin yaxınlaşması paytaxt bazarlarında hərəkətliliyi artırıb.

Küçələrdə və ticarət mərkəzlərində rəngbərəng yolkalar, işıq saçan oyuncaqlar və müxtəlif bayram aksesuarları alıcıların diqqətini cəlb edir, sanki hər kəsin içindəki “uşağı” sevindirir. Lakin bayram ab-havasına baxmayaraq, qiymətlər mövzusunda fikir ayrılığı hökm sürür.

Satıcılar məhsulların ucuzlaşdığını bildirirlər.

Onlardan biri belə deyir: “Qiymətlər ucuz olmasına baxmayaraq, alıcı kütləsi çox zəifdir”.

Alıcıların fikirləri isə fərqlidir. Bəziləri qiymət artımından narazıdır.

“Bu il qiymətlər ucuzdur”, – deyə sakinlərdən biri iddia etsə də, başqa bir alıcı bayram alış-verişinin kifayət qədər baha başa gəldiyini vurğulayıb: “1000 manat lazımdır ki, gözoxşayan bir şey olsun”.