"Partlayış bizi metrlərlə göyə qaldırdı" | Hər şeyin dəyişdiyi döyüşlərdə nələr yaşandı? - Baku TV

Azərbaycan Ordusunun uğurlu əməliyyatlarından biri olan və tarixə “Aprel döyüşləri” adı ilə həkk olunan 4 günlük hərbi toqquşmadan 10 il ötür.

Azərbaycan tarixində dönüş nöqtələrindən biri kimi yadda qalan, cəmi bir neçə gün davam edən bu hərbi əməliyyatlar Ordumuzun gücünü və döyüş qabiliyyətini bütün dünyaya nümayiş etdirdi.

Aprel döyüşləri iştirakçısı Əhliyət Mehdiyev həmin döyüşlərin Vətən müharibəsinə gedən yolda bir qığılcım olduğunu deyir.

“Dəfələrlə ölümlə üz-üzə qalmışıq. Lakin heç biri bizi geriyə çəkə bilməyib, əksinə, daha da əzmkar olmuşuq. Döyüş yoldaşım erməni əsgərini əzib şəhadətə qovuşdu. Yaralı əsgərlərimiz orada qalıb sona qədər döyüşmək istəyirdilər”, – deyə Ə.Mehdiyev qeyd edib.