"Qorxmadan dəniz kənarını hasarlayıblar" | Xəzər sahilinin "işğal"ı nə vaxt bitəcək? - Baku TV

Son vaxtlar ictimai müzakirələrdə dəniz kənarlarının hasarlanması və sahil zonalarına girişin məhdudlaşdırılması məsələsi yenidən gündəmə gəlib.

Bu vəziyyət həm sakinlərin narazılığına səbəb olur, həm də ictimai sahələrin istifadəsi ilə bağlı hüquqi və sosial sualları aktuallaşdırır.

Məsələ ilə bağlı millət vəkili Elşad Musayev də açıqlama verərək dəniz kənarlarının hasarlanmasını kəskin tənqid edib.

“Allah bu neməti bütün xalqımıza verib. Lakin bəzi vəzifəli şəxslər və iş adamları bundan istifadə edərək sahil ərazilərini qanunsuz şəkildə hasarlayırlar. Onlar nə qanunlardan çəkinirlər, nə də ictimai narazılıqdan. Mən düşünürəm ki, müvafiq dövlət orqanları və səlahiyyətli qurumlar bu qanunsuzluqların qarşısını almalıdır”, – deyə o bildirib.