Выбрать плеер:
"Yandırırıq, zorla içəri girirlər” | Binanın zirzəmisində dəhşətə gətirən mənzərə - Baku TV
Qaradağ rayonunun Müşfiqabad qəsəbəsinin Yeni Həyat küçəsində yaşayan sakinlər binanın zirzəmisinə dolan çirkab sulardan şikayətçidirlər.
Baku TV-nin qaynar xəttinə müraciət edən sakinlər bildirirlər ki, onlar artıq 20 ilə yaxındır ki, bu problemdən əziyyət çəkirlər. Onların sözlərinə görə, binada yaranan kəskin üfunət qoxusu isə normal yaşayışı demək olar ki, mümkünsüz edir.
Dəfələrlə aidiyyəti qurumlara müraciət etdiklərini deyən sakinlər problemin hələ də həllini tapmadıqlarını qeyd edirlər.
“Zirzəmi çirkab suları ilə doludur. Evdə ağcaqanad dərmanı yandırırıq, qoxudan oturmaq mümkün deyil. Həm üfunət qoxusuna, həm də ağcaqanadlara görə pəncərələri belə aça bilmirik”, – deyə sakinlərdən biri narazılığını ifadə edib.
Скопировано
