Şəhidin qardaşından duyğulandıran sözlər | Akif Abbasovun dəfnindən görüntülər

Birinci Qarabağ müharibəsində itkin düşdüyü hesab edilən və şəxsiyyəti müəyyənləşdirilən şəhid Akif Abbasov dəfn olunub.

Daşkəsənin Əhmədli kəndindən olan şəhid Akif Abbasovun cənazə namazı ata ocağında qılınıb. Sonra şəhidin nəşi Gəncə Şəhidlər xiyabanında torpağa tapşırılıb.

“1993-cü ildə Ağdamın Salahlı kəndi uğrunda gedən döyüşlərdə şəhid olub. 31 ildən sonra Bərdənin Şəhidlər xiyabanında tapıldı. Prezidentə 31 illik həsrətimizə son qoyduğuna görə təşəkkürümü bildirirəm”, – şəhidin qardaşı deyib.

Yaxınlarının sözlərinə görə, A.Abbasov toyundan bir həftə sonra könüllü olaraq müharibəyə gedib. 1993-cü ilin dekabrın 28-də şəhidlik zirvəsinə ucalıb və naməlum əsgər kimi Bərdənin Şəhidlər xiyabanında dəfn edilib.