ABŞ-də dəhşətli partlayış | Ölənlər və itkin düşənlər var

Pensilvaniya ştatının Filadelfiya yaxınlığında yerləşən qocalar evində partlayış baş verib.

Hadisəyə qaz sızmasının səbəb olduğu bildirilir.

“Partlayış həqiqətən də çox dağıdıcı idi. Hazırda ən azı iki nəfərin həlak olduğunu bilirik. Eyni zamanda bir neçə nəfərin hələ də itkin düşdüyü məlumdur”, – Pensilvaniya ştatının qubernatoru Coş Şapiro açıqlamasında deyib.

Binanın çökmüş hissəsində qalan şəxslərin tapılması üçün genişmiqyaslı axtarış işlərinə başlanılıb. Çox sayda xəstə və işçi xilas edilib. Yaralanan 20 nəfər xəstəxanalara yerləşdirilib.

Bildirilir ki, binanın birinci mərtəbəsinin bir hissəsi aşağıdakı zirzəmiyə uçub. Dağıntıları təmizləmək üçün ağır texnika cəlb olunub.