İsrailin mövqeyinə ABŞ-dən reaksiya

Türkiyənin xarici işlər naziri Hakan Fidan paytaxt Ankarada HƏMAS hərbi qruplaşmasının nümayəndə heyəti ilə görüşüb.

Tərəflər Qəzza zolağındakı mövcud vəziyyəti müzakirə ediblər.

HƏMAS rəsmiləri atəşkəs zamanı üzərilərinə düşən bütün öhdəlikləri yerinə yetirdiklərini, lakin buna baxmayaraq, İsrail Ordusunun Qəzza zolağını atəşə tutmağa davam etdiyini bəyan ediblər.

Onlar regiona daxil olan humanitar yardımın azlığından şikayətlənib və vəziyyətin yaxşı olmadığına işarə ediblər.

“Biz heç vaxt Qəzzanı tərk etməyəcəyik. Bu heç bir zaman baş verməyəcək”.

Belə bir açıqlama ilə isə İsrailin müdafiə naziri İsrael Katz çıxış edib.

Onun bu bəyanatı vəziyyəti daha da gərginləşdirib. Katzın sözləri hətta Vaşinqton tərəfində də qıcıq yaradıb.