ABŞ və Britaniya sanksiyaları nəticə verdi? | Neft yatağında fors-major elan edilib

"Lukoil" dünyanın ən böyük neft yataqlarından birində fors-major elan edib.

Belə ki, şirkət İraqın "Qərbi Qurna-2" neft yatağında fors-major elan olunduğunu bildirib.

ABŞ və Böyük Britaniyanın yeni sanksiyalarının tətbiqindən sonra İraq "Lukoil"a bütün nağd ödənişləri və neft tədarükünü dayandırıb.

Qeyd olunur ki, ötən həftə "Lukoil" İraq Neft Nazirliyinə rəsmi məktubla şirkətin "Qərbi Qurna-2" yatağında işini davam etdirməsinə mane olan fors-major hallarının mövcudluğu barədə məlumat verib. Agentliyin İraq neft sənayesindəki mənbələrindən birinin söylədiyinə görə, əgər fors-major səbəbləri altı ay ərzində aradan qaldırılmazsa, "Lukoil" layihədən tamamilə çıxacaq.

Bildirək ki, "Lukoil" "Qərbi Qurna-2" yatağında 75% paya sahibdir.