Выбрать плеер:
Almaniyada yenotların ovuna görə pul mükafatı verilməsi təklif olunub
Almaniyanın Baden-Vürtemberq federal əyalətinin parlamentinin deputatı Sara Şvaytser ölkədə yenotların ovuna görə pul mükafatı verilməsini təklif edib.
Deputat bu barədə “Bild” qəzetinə müsahibəsində danışıb.
Şvaytser Almaniyada yenotların ilboyu ovuna icazə verilməsini, bütün ölkə ərazisində gecəgörmə cihazlarından istifadə edilməsini və onların ovlanmasına görə mükafat tətbiq olunmasını təklif edib.
Onun sözlərinə görə, yenotların Almaniyada sürətlə çoxalması “ekoloji fəlakət” xarakteri alıb.
Deputat bildirib ki, son illər bu heyvanların sayı xeyli artıb və onlar digər heyvan və quş növlərinin yaşaması üçün təhlükə yaradır.
Скопировано
Выбранные
