Aviasiya üçün “qırmızı” xəbərdarlıq edildi

İtaliyanın ən aktiv vulkanı öz davranışını dəyişərək 300-400 mert hündürlüyə lava püskürüb.

Bir neçə kilometr hündürlüyə qalxan kül sütunu qərb və cənub-qərb istiqamətində yayılaraq yaşayış məntəqələrinə tökülüb.

İtaliyanın Geofizika və Vulkanologiya Milli İnstitutu Etna zirvəsinin kraterlərində partlayıcı aktivliyin gücləndiyini və davamlı kül tullantılarının yarandığını bildirib.

Dağda baş verən bu təhlükəli dəyişiklik Vulkan Rəsədxanasındakı alimləri təyyarələr üçün potensial risk siqnalı verən “Aviasiya üçün qırmızı xəbərdarlıq” verməyə sövq edib.

Səlahiyyətlilər bildiriblər ki, xəbərdarlıqlara baxmayaraq, hava limanında uçuşlar normal rejimdə həyata keçirilir və kül yağıntısı artmasa, heç bir fasilə gözlənilmir.

Qeyd olunur ki, yerli Mülki Müdafiə Departamenti sarı təhlükə səviyyəsi elan edib.