Pezeşkian iğtişaşların yatırılacağına əmindir | ”ABŞ kömək etməyə hazırdır” - Baku TV

Bəzi insanlar İranda xaos və iğtişaş yaratmağa çalışır, amma xalq öz ölkəsini və sistemini dəstəkləyəcək.

İran mediasının verdiyi xəbərə görə, bu sözləri İslam Respublikasının Prezidenti Məsud Pezeşkian Omanın xarici işlər naziri Badr əl-Busaidi ilə görüşdə deyib.

M.Pezeşkian bildirib ki, ABŞ və İsrail regionda müharibə təhlükəsini əbədiləşdirməyi və İslam dünyasında birliyin yaranmasının qarşısını almağı planlaşdırır.

Omanın xarici işlər naziri isə qeyd edib ki, İran Oman üçün strateji tərəfdaşdır.

ABŞ Prezidenti Donald Tramp İranda etirazlarla bağlı paylaşım edib.

"İran heç vaxt indiki qədər azadlığa can atmayıb. ABŞ kömək etməyə hazırdır", – deyə ABŞ Prezidenti özünün "Truth Social" sosial şəbəkə hesabında yazıb.