İranın 185 şəhərində etiraz aksiyaları keçirilir - Baku TV

İranın təhlükəsizlik qüvvələri etirazçılara qarşı lazerlərdən istifadə edib.

Bu barədə "Azad İran" teleqram kanalı məlumat yayıb.

Bildirilib ki, Məşhəddə keçirilən aksiyalar zamanı nümayişçiləri hədəf almaq üçün yaşıl lazerlər tətbiq olunub.

İnsan haqları fəallarının sözlərinə görə, ölkənin 31 əyalətinin 185 şəhərində etirazlar davam edir.

Qeyd olunub ki, nümayişlərdə 116 nəfər ölüb. Onlardan yeddisi 18 yaşdan kiçik, dördü isə yaralılara köməklik göstərən tibb işçisidir. Bundan başqa, 37 hərbçi və ya təhlükəsizlik işçisi, 1 prokuror müxtəlif səbəblərdən həlak olub.

Həbslərə gəldikdə isə 14 gün ərzində saxlanılanların ümumi sayı 2638 nəfərə çatıb.

"Independent Persian"da yayılan xəbərə görə, təhlükəsizlik qüvvələrinin sıx mövcudluğuna baxmayaraq, etirazçılar geri çəkilməyib. Bunun qarşısını almaq üçün İranda işıqlar söndürülüb və şəhərlər qaranlığa qərq olub.