Ukrayna yeni əməliyyatlara hazırlaşır? - Baku TV

Volodimir Zelenski Ukrayna Təhlükəsizlik Xidmətinin Rusiyaya qarşı yeni əməliyyatlar hazırladığını açıqlayıb.

V.Zelenski bu barədə Ukrayna Təhlükəsizlik Xidmətinin rəhbəri vəzifəsini müvəqqəti icra edən Yevgeni Xmara ilə görüşdən sonra məlumat verib.

“Yeni əməliyyatlar da razılaşdırılıb”, – deyə V.Zelenski vurğulayıb.

Ukrayna lideri mümkün əməliyyatların detalları barədə əlavə məlumat verməyib.

O həmçinin bildirib ki, Rustem Umerov ABŞ nümayəndələri ilə danışıq aparıb. Görüş Kiyev və Vaşinqtonun Rusiyanın Ukraynaya qarşı müharibəsinə son qoymaq üçün mümkün çərçivə üzərində razılığa gəlməyə çalışdığı bir vaxta təsadüf edir.

V.Zelenski ABŞ Administrasiyası ilə gündəlik və sıx dialoqun qorunmasının vacibliyini xüsusi vurğulayıb.

Ukrayna Prezidenti davam edən münaqişəyə görə bütün məsuliyyətin Rusiyanın üzərinə düşdüyünü də qeyd edib.