Bu gülü əkənlər həbs olunacaq | “Güldürən gül”ün qeyri-adi sirri

Rusiyada bağında sarmaşığın növlərindən biri olan “ipomoea tricolor” əkənlər cərimələnə və ya həbs oluna bilər. Bu barədə rusiyalı hüquqşünas Yelena Kuderko xəbərdarlıq edib.

Onun sözlərinə görə, Rusiya qanunvericiliyi bu yaxınlarda sözügedən alaq otunun yetişdirilməsinə görə cəzalar müəyyən edib.

Bildirilib ki, bu sarmaşığın tərkibində psixoaktiv təsir göstərən alkaloidlər var. Sarmaşığın gövdəsində, çiçəyində və toxumlarında olan enteogenlər intoksikasiyaya və şüurun dəyişməsinə səbəb ola bilər.

Qanuna görə, 10-11 bitki yetişdirməyə görə 2 il, 100 və daha çox bitkiyə görə isə 8 ilədək həbs cəzası nəzərdə tutulub.

Qeyd edək ki, gözəl görünüşə malik olan və kompleks baxım tələb etməyən bu sarmaşıq Azərbaycanda da kənd yerlərində bağa bəzək verən alaq otu kimi geniş yayılıb.