Dünyada strateji sabitliyi Vaşinqton pozub | Putindən açıqlama
"Dünyada heç bir ölkə “Qərb diplomatiyası”nın qurbanları siyahısına daxil olmaqdan sığortalanmayıb”.
Bunu Rusiya Prezidenti Vladimir Putin Xarici İşlər Nazirliyinin rəhbərliyi ilə görüşündə Qərbin Rusiyanı strateji məğlubiyyətə uğratmaq çağırışlarından danışarkən deyib.
Onun sözlərinə görə, Qərbin eqoizmi və təkəbbürü son dərəcə təhlükəli vəziyyətə gətirib çıxarıb:
"Biz artıq geri dönüşü olmayan nöqtəyə yaxınlaşmışıq. Dünyada strateji sabitliyi məhz Vaşinqton pozub. Ən böyük nüvə silahı arsenalına malik olan Rusiyanı strateji məğlubiyyətə uğratmaq çağırışları Qərb siyasətçilərinin ifrat avantürizmini nümayiş etdirir. Onlar ya özlərinin yaratdığı təhlükənin miqyasını başa düşmürlər, ya da sadəcə olaraq özlərinin cəzasız qalacaqlarına inanırlar. Hər ikisi faciəyə çevrilə bilər”.
V.Putin əlavə edib ki, təhlükəsizliyi təmin etmək üçün Qərb sxemi işləmir, "NATO tipli diplomatiya" əks nəticə verir.