Epşteynin kamerasında tapılan məktubda nələr yazılıb? | Ölümündən həftələr öncə... - Baku TV

ABŞ-nin Nyu-York federal məhkəməsi maliyyəçi Ceffri Epşteynə aid olduğu ehtimal edilən məktubu ictimailəşdirib.

Bu barədə “The New York Times” qəzeti məlumat yayıb.

Məlumata görə, məktub 2019-cu ilin iyulunda Epşteynin kamerada huşsuz vəziyyətdə olduğu vaxt onun kamera yoldaşı Nikolas Tartalyone tərəfindən tapılıb.

Nəşr qeyd edib ki, hadisə Epşteynin bir neçə həftə sonra həbsxana kamerasında ölü tapılmasından əvvəl baş verib.

Məktubda istintaqın aylarla araşdırma apardığı, lakin heç nə tapmadığı bildirilib. Mətnin sonunda isə “əyləncə yoxdur” və “buna dəyməz” ifadələri yer alıb.

“The New York Times” vurğulayıb ki, məktubun həqiqətən Ceffri Epşteyn tərəfindən yazıldığını təsdiqləmək mümkün olmayıb.