Выбрать плеер:
Güclü yağışlar torpaq sürüşməsinə səbəb oldu
Braziliyanın cənub-şərqində yerləşən Minas Jerais ştatında yağan güclü yağışlar torpaq sürüşməsi və daşqınlara səbəb olub.
Hadisə nəticəsində azı 40 nəfər həyatını itirib, 27 nəfər isə itkin düşüb. Ən ağır vəziyyət Juiz de Fora və təxminən 110 kilometr aralıda yerləşən Uba şəhərində qeydə alınıb.
Dövlət Yanğından Mühafizə İdarəsinin məlumatına görə, Uba şəhərində 18 nəfər həyatını itirib. Qeyd edilib ki, şəhərdə təxminən 440 nəfər evsiz qalıb, 3600 nəfər isə təxliyə edilib.
Daşqınlar və torpaq sürüşmələri səbəbindən məktəblərdə dərslər dayandırılıb. Bölgədə fövqəladə vəziyyət elan edilib. Hazırda ərazidə axtarış-xilasetmə işləri davam etdirilir.
Скопировано
Выбранные
