İranın cavabı necə olacaq? - Gərginlik artdı! - Baku TV

Fevralın 28-i səhər saatlarından İsrail Ordusu İrandakı yüzlərlə hərbi hədəfə hücum edib.

Bu barədə İsrail Müdafiə Qüvvələrinin Mətbuat Xidməti məlumat yayıb.

"Aslanın nərəsi" əməliyyatının bir hissəsi olaraq İsrail Müdafiə Qüvvələri kəşfiyyat məlumatlarına əsasən, İranın qərbindəki raket buraxıcıları da daxil olmaqla yüzlərlə İran hərbi hədəfinə hücum edib.

Raket buraxıcılarından əlavə, zərbələr İranın qərbindəki geniş spektrli obyektləri hədəfə alır", – deyə məlumatda bildirilib.

Qeyd edək ki, İsrailin hücumları nəticəsində İranın Minab şəhərində qızlar üçün ibtidai məktəbdə 40-dan çox şagird həlak olub. Hadisə nəticəsində xeyli sayda insan xəsarət alıb. İran tərəfdən İsrail ərazisinə təxminən 35 ballistik raket buraxılıb. Raketlərin bir hissəsi Hava Hücumundan Müdafiə vasitələri tərəfindən zərərsizləşdirilib, digərləri isə açıq ərazilərə düşüb.