İsrail sənaye obyektlərini hədəf aldı | İrandan ABŞ və İsrailə sərt xəbərdarlıq - Baku TV

İsrailin Baş naziri Benyamin Netanyahu İranın hərbi-sənaye imkanlarına zərbələrin endirildiyini açıqlayıb. Bu barədə o, “X” hesabında yazıb.

“Sizə söz vermişdim ki, Tehranda mübarizəmizi davam etdirəcəyik və hazırda bunu edirik. Onların sursat istehsal potensialının 70%-ni məhv etdikdən sonra bu gün neft-kimya zavodlarına hücum etdik”, – deyə Netanyahu bildirib.

İran isə öz növbəsində ABŞ və İsraili infrastrukturlara edilən hücumları dayandırmayacağı təqdirdə, ciddi fəsadlarla hədələyib.

İran Silahlı Qüvvələrinin “Hatəm əl-Ənbiya” Mərkəzi Qərargahının komandiri Əli Əbdullahinin sözlərinə görə, İran tam gücü ilə cavab zərbəsi endirəcək.

“Müharibənin ilk günlərindən etibarən vəd etdiyimiz hər şeyi etmişik. Bu mesajın mənası budur ki, qarşınızda cəhənnəm qapıları açılacaq”, – deyə o vurğulayıb.