SEPAH-dan ağır zərbə | Pilotu tapan şəxsə mükafat veriləcək? - Baku TV

İran İslam İnqilabı Korpusu "Gerçək vəd-4" əməliyyatının 93-cü dalğasını həyata keçirib.

Bu barədə SEPAH məlumat yayıb.

Bildirilib ki, İsrailin dörd şəhəri atəşə tutulub.

"Hərbçilərin toplanış və döyüşə dəstək mərkəzləri hədəfə alınıb", – deyə məlumatda qeyd olunub.

SEPAH "Gerçək vəd-4" əməliyyatının 93-cü dalğasının raket və PUA-lar vasitəsilə həyata keçirildiyini açıqlayıb.

"İsrailə hava zərbələri davam edəcək", – deyə məlumatda vurğulanır.

Bu arada Prezident Donald Trampa İranla bağlı xəbərlər təqdim olunub.

Verilən xəbərlərə görə, ABŞ-yə məxsus F-15 qırıcı təyyarəsi İran sərhədləri daxilində vurulub və pilotun tapılması üçün axtarış-xilasetmə əməliyyatı aparılır.

Pilotun axtarışını isə hər iki tərəf aparır. Belə ki, İranın cənub-qərbində yerləşən Xuzistan vilayətində bir boruqayırma şirkəti ABŞ-nin İranda vurulan qırıcı təyyarəsinin pilotlarını canlı tapan şəxsə təxminən 94,6 min dollar dəyərində mükafat verəcəyini elan edib.

Eyni zamanda Buşehr vilayətində bir iş adamı ABŞ pilotlarını canlı gətirən şəxsə rəsmi şəkildə veriləcək mükafatlardan əlavə özü tərəfindən 6,3 min dollar dəyərində mükafat verəcəyini bildirib.