Dmitri Peskov İran münaqişəsinin həllindən danışdı

“Əlbəttə ki, bütün dünya kimi, bizim də Prezident Donald Trampın bəyanatlarını oxumaq fürsətimiz oldu”.

Bu sözləri Kremlin sözçüsü Dmitri Peskov deyib.

“İran ətrafındakı müharibəyə gəldikdə, bilirsiniz ki, Prezident Vladimir Putin bütün fikir ayrılıqlarının yalnız siyasi və diplomatik yollarla həll edilməli olduğu fikrinin qəti tərəfdarıdır. Prezidentin Fars körfəzi və Ərəb dünyası dövlət başçıları ilə beynəlxalq telefon danışıqları zamanı söhbətlər də bundan ibarət olub. Prezident Putin bu əlaqələri davam etdirir və əgər bizə ehtiyac olarsa, əlbəttə ki, hərbi vəziyyətin mümkün qədər tez dinc məcraya keçməsi üçün öz töhfəmizi verməyə hazırıq. Bu bizim mövqeyimizin əsasını təşkil edir”, – deyə o bildirib.