Dünyanın ən təhlükəli qadını kimin bacısıdır?
"Şimali Koreya rəhbəri Kim Çen Inın bacısı Kim Yo Çjon hazırda dünyanın ən təhlükəli qadınlarından biri hesab olunur".
Bu fikirləri Şimali Koreya məsələləri üzrə mütəxəssis Sonq-Yun Li Cənubi Koreyada dərc olunan "The Korea Herald" nəşrinə müsahibəsində səsləndirib.
Ekspert vurğulayıb ki, hazırda Koreya Fəhlə Partiyası Mərkəzi Komitəsinin Təbliğat və Təşviqat şöbəsinin rəhbəri olan Kim Yo Çjon faktiki olaraq Şimali Koreya hakimiyyət iyerarxiyasında ikinci şəxsdir və Kim Çen Inın müavini kimi çıxış edir.
"Nüvə silahına malik 9 ölkədəki nüfuzlu qadınlar arasında indiyədək bu cür hüdudsuz gücə rast gəlməmişik. Məhz buna görə də mən onu dünyanın ən təhlükəli qadını hesab edirəm", – deyə tədqiqatçı bildirib.
Mütəxəssis qeyd edib ki, Kim Çen Inın bacısı Şimali Koreyanın diplomatik arsenalında tayı-bərabəri olmayan bir fiqurdur. Diplomatik təmaslar zamanı Kim Yo Çjonun "gülərüzlülüyü və səmimiyyəti" ABŞ Prezidenti Donald Trampı təsirsiz hala gətirməyə yönəlib. Lakin Sonq-Yun Li bu davranışın əslində bir taktiki addım, hətta tələ ola biləcəyini vurğulayıb.
Tədqiqatçı əlavə edib ki, gələcəkdə Kim Yo Çjonun dövlət idarəçiliyini Kim Çen Inın rəsmi varisi hesab olunan qızı Kim Çju Eyə təhvil verib-verməyəcəyi hələlik qeyri-müəyyəndir.
Тег #Kim Çen In используется
- Kim Çen In silah istehsalını artırmağı əmr etdi - Baku TV
- Kim Çen In hökuməti beynəlxalq qadağalara məhəl qoymur?
- Şimali Koreyadan ABŞ-yə açıq mesaj | Danışıqlar bu halda olacaq!
- Şimali Koreya lideri dünyadan nəyi gizlətmək istədi?
- Kim Çen In-Putin görüşündə tarixi an | Bu sözlər Zelenskini özündən çıxaracaq
