ABŞ-nin bazasına zərbələr endirildi

İran ABŞ Ordusunun Səudiyyə Ərəbistanında yerləşən Əl-Xərc bazasına dron və raketlərlə hücum edib.

Bu barədə SEPAH-ın Aerokosmik Qüvvələrinin komandanı Məcid Musəvi "X" sosial şəbəkəsində yazıb.

"Amerikanın Səudiyyə Ərəbistanının Əl-Xərc bölgəsindəki pilotlarının və uçuş heyətinin yaşayış yerinə pilotsuz uçuş aparatları və raketlərlə hücum etdik və 200 nəfərlik toplaşma nöqtəsini vurduq", – deyə o qeyd edib.

Bu arada İran Xarici İşlər Nazirliyinin sözçüsü İsmayıl Bəqai "X" sosial media hesabında etdiyi paylaşımda bildirib ki, ölkəsinə qarşı tətbiq olunan sanksiyalar və əczaçılıq zavodlarına edilən hücumlar iranlıları həyat əhəmiyyətli dərmanlardan məhrum edir.

"Əczaçılıq zavodlarına hücumlar onların cinayətkar sanksiyalarının daha bir aspektidir. O sanksiyalar uzun müddətdir iranlıları həyati vacib dərmanlardan məhrum edir", – deyə Bəqai bildirib.