Pezeşkian beynəlxalq təşkilatlara səsləndi | ”İran gec olmadan…”

ABŞ Prezidenti Donald Tramp İranın təcili olaraq razılaşma bağlamalı olduğunu bildirib və ləngimə halında ola biləcək ağır nəticələr barədə xəbərdarlıq edib.

Bu barədə o, "Truth Social"da yazıb.

"İrandakı ən böyük körpü dağılır və bir daha heç vaxt istifadə olunmayacaq – irəlidə bundan da çoxu olacaq! İran gec olmadan və böyük ölkəyə çevrilə biləcək dövlətdən heç nə qalmamışkən razılaşma bağlamalıdır!", – deyə Tramp bildirib.

Bu arada, İran Prezidenti Məsud Pezeşkian ABŞ ilə İsrailin ölkənin səhiyyə müəssisələrinə hücumlarını pisləyib. Bu barədə o, "X"dəki hesabında yazıb.

Pezeşkian ABŞ və İsrailin İrandakı xəstəxana, əczaçılıq şirkətləri və instituta hücumlarını anlaşılmaz adlandırıb.

"Mütəxəssis bir həkim olaraq, Ümumdünya Səhiyyə Təşkilatını, Beynəlxalq Qırmızı Xaç Komitəsini, "Sərhədsiz Həkimlər"i və bütün dünyadakı həkimləri bəşəriyyətə qarşı bu cinayətə reaksiya verməyə çağırıram", – deyə Məsud Pezeşkian qeyd edib.