"Black Hawk" helikopterləri İran tayfaları tərəfindən vuruldu

İran Ordusu ABŞ-nin regiondakı hərbi bazalarına pilotsuz uçuş aparatları ilə hücum edib.

Bu barədə İslam İnqilabı Keşikçiləri Korpusunun 55 nömrəli bəyanatında qeyd olunub.

"ABŞ Ordusunun bölgədəki raket və döyüş PUA-larını aşkarlayan radar sistemi, Birləşmiş Ərəb Əmirliklərindəki alüminium zavodu, eləcə də ABŞ-nin Küveytdəki mexanikləşdirilmiş, zirehli və helikopter taborlarının komandanlıq qərargahı "Arash 2" dronlarının hədəfinə çevirilib", – deyə bəyanatda vurğulanıb.

Bildirilib ki, İran ABŞ-nin bölgədəki bazalarına hücumları davam etdirəcək.

İslam İnqilabı Keşikçiləri Korpusunun bəyanatında həmçinin ABŞ-nin iki "Black Hawk" helikopterinin İranın dağlıq ərazisində yaşayan tayfalar tərəfindən vurulması qeyd olunub.

Bu arada ABŞ növbəti mərhələdə gizli xüsusiyyətlərə malik JASSM-ER qanadlı raketlərinin, demək olar ki, bütün arsenalını işə salmağı planlaşdırır. Bu addım Vaşinqtonun İrana qarşı hərbi kampaniyasının növbəti mərhələsi çərçivəsində nəzərdə tutulur.