İsraildən “Hizbullah”a ağır zərbələr gələcək? - Baku TV

İsrailin Baş naziri Benyamin Netanyahu İsrail Ordusuna Livandakı “Hizbullah” hədəflərinə hücum əmri verib.

Bu barədə İsrail Baş nazirinin ofisi məlumat yayıb.

“Baş nazir Netanyahu İsrail Müdafiə Qüvvələrinə Livandakı “Hizbullah” hədəflərinə güclü zərbələr endirməyi əmr edib”, – deyə bəyanatda qeyd olunur.

İsrail Ordusu Livanın cənubunda “Hizbullah”a məxsus hədəflərə artıq zərbələr endirməyə başlayıb.

Bu barədə İsrail Ordusunun mətbuat xidməti məlumat yayıb.

Zərbələrlə “Radvan” xüsusi təyinatlı qüvvələrinin istifadə etdiyi hədəflər, eləcə də Livanın cənubundakı bir neçə silah anbarı hədəf alınıb.

“İsrail Ordusunun siyasi rəhbərliyinin təlimatlarına uyğun olaraq İsrail vətəndaşlarına və İsrail Müdafiə Qüvvələrinin heyətinə olan təhdidlərə qarşı qətiyyətli tədbirlərin görülməsi davam etdiriləcək”, – deyə məlumatda bildirilir.