Kiyevdən Avropaya sülh çağırışı | Tarixi səhv unudulub?

Ukraynanın xarici işlər naziri Andrey Sibiqa beynəlxalq müttəfiqləri II Dünya müharibəsi ərəfəsində buraxılan səhvləri təkrarlamamağa çağırıb.

Bu barədə Sibiqanın "Telegram”da yayılan bəyanatında deyilir.

Nazir xatırladıb ki, 1939-cu il sentyabrın 1-də Hitler Polşaya hücum edib, az sonra ona Stalin qoşulub və tarixdəki ən qanlı müharibə – İkinci Dünya müharibəsi başlayıb.

Onun sözlərinə görə, II Dünya müharibəsində həlak olmuş on milyonlarla insana hörmət göstərməyin ən yaxşı yolu bu gün həmin səhvlərin təkrarlanmasına yol verməməkdir.

Sibiqa qeyd edib ki, müttəfiqlərin birliyi, Rusiya təcavüzkarına təzyiq və Ukraynaya dəstək bütün Avropada təhlükəsizlik və uzunmüddətli sülh üçün həlledici əhəmiyyət daşıyır.