Kosmosla bağlı bir ilk | Elm adamlarından uğurlu nəticə barədə açıqlama

Çinin idarə olunan “Şencou-19” kosmik gəmisinin ekipajı bir sıra süni fotosintez təcrübələri həyata keçirib.

Belə ki, ekipaj kosmosda oksigen, həmçinin raket yanacağı üçün lazım olan komponentlər istehsal edən süni fotosintez texnologiyasının dünyada ilk nümayişini uğurla reallaşdırıb.

Məlumat üçün bildirək ki, 2015-ci ildə Avropa Kosmik Agentliyi tərəfindən inkişaf etdirilən və “Rozetta” adlı kosmik gəminin daşıdığı “Fiale” adlı qurğu 67P şifrəli quyruqlu ulduzu əhatə edən qaz buludunun daxilində oksigen molekulları tapıb.

Bu mövzuda araşdırma aparan elm adamları qaz buludunda tapılan sərbəst oksigenin su buxarı, karbon monoksid və karbondan sonra 4-cü qaz olduğunu açıqlayıblar.