Putindən Xersona hücumla bağlı diqqətçəkən açıqlama

Rusiya Prezidenti Vladimir Putin Ukrayna Silahlı Qüvvələrinin Xerson bölgəsində mülki əhaliyə hücumunu 2014-cü il mayın 2-də Odessada baş verən faciə ilə müqayisə edib.

Bu barədə “Telegram”da bölgənin rəhbəri Volodimor Saldo məlumat verib.

Onun sözlərinə görə, Putin bu qiymətləndirməni Xorlı kəndindəki kafe və hotelə dron hücumu ilə bağlı məlumatı dinləyəndən sonra səsləndirib.

V.Saldo yazıb: "Vladimir Vladimiroviç bu cinayətin qəddarlıq, qeyri-insanilik baxımından 2 may 2014-cü ildə Odessada insanların yandırılması ilə eyni olduğu fikri ilə razılaşdı".

Qeyd edək ki, Yeni il gecəsi Xerson bölgəsində mülki vətəndaşların Yeni ili qeyd etdiyi yerə pilotsuz təyyarə hücumu edilib. Nəticədə 24 nəfər ölüb, onlarla insan yaralanıb.