Putinin Ukraynaya qoyduğu şərtlərə digər ölkələr nə deyəcək?

“Rusiya Prezidenti Vladimir Putinin Ukraynada münaqişənin sülh yolu ilə nizamlanması təklifi beynəlxalq ictimaiyyət üçün qəbuledilməzdir”.

Bu sözləri ABŞ-nin BMT-dəki daimi nümayəndəsinin müavini Robert Vud deyib.

“Onun təkliflərinin hamısını görməmişəm, amma gördüklərim beynəlxalq ictimaiyyət tərəfindən qəbul edilməyəcək”, – R.Vud jurnalistlərə bildirib.

Qeyd edək ki, Putin Ukraynanın Donbas və “Novorossiya”dan qoşunlarını çıxarmağa başladığı və NATO-ya qoşulmamaq öhdəliyi götürən an Rusiyanın atəşi dayandıracağı və danışıqlara hazır olacağını elan edib.