"ABŞ bu yolla Ukrayna liderinə təzyiq göstərir" | Zelenski hakimiyyətdən uzaqlaşdırılır? - Baku TV

"ABŞ böyük ehtimalla Ukrayna Prezidenti Volodimir Zelenskini hakimiyyətdən uzaqlaşdırmaq üçün addımlar atmağa başlayıb".

Bu barədə Portuqaliya kəşfiyyatının keçmiş analitiki və vəkil Aleşandri Gerreyru "RİA Novosti"yə müsahibəsində bildirib.

Gerreyru qeyd edib: "Tramp və ABŞ rəhbərliyi açıq bəyanatlar və Zelenskinin yaxın ətrafına qarşı korrupsiya araşdırmaları vasitəsilə ona təzyiq göstərir".

Onun sözlərinə görə, Zelenskinin hakimiyyətdən getməsi zaman məsələsi ola bilər.

Bundan əvvəl ABŞ Prezidenti Donald Tramp bildirmişdi ki, Zelenski mövcud vəziyyətə daha realist yanaşmalıdır. Dövlət Dumasının beynəlxalq məsələlər komitəsinin sədri Leonid Slutski isə iddia edir ki, Zelenski rejiminin geri sayımı başlayıb.