Səudiyyə Ərəbistanında spirtli içkiyə icazə verildi? | 73 illik alkoqol qadağası

Səudiyyə Ərəbistanı 73 illik alkoqol qadağasının ləğv ediləcəyi barədə kütləvi informasiya vasitələrində yayılan xəbərləri təkzib edib.

“Hazırda alkoqol qəbuluna icazə verilmir. Amma bilirsiniz, alkoqolsuz da əylənmək mümkündür”, – deyə məlumatda bildirilib.

Xatırladaq ki, daha əvvəl bəzi yerli və beynəlxalq media orqanlarında yayılan xəbərlərdə futbol üzrə 2034-cü il dünya çempionatının Səudiyyə Ərəbistanında keçirilməsi ilə bağlı hazırlıqlar çərçivəsində ölkədə spirtli içkilərin satışına icazə veriləcəyi bildirilirdi. 2026-cı ilə qədər ölkədə müəyyən olunmuş 600 turistik bölgədə spirtli içki qadağasının qismən ləğv ediləcəyi, yalnız seçilmiş beşulduzlu hotellər, istirahət mərkəzləri və lisenziyalı müəssisələrdə şərab və pivə satışına icazə veriləcəyi qeyd olunurdu.