Torpağın tərkibində tapılan asbest xərçəngə səbəb olur

Avstraliyada 70 orta məktəb bağlanıb. Təhsil müəssisələrində dezinfeksiya işləri aparılacaq.

Buna səbəb uşaqların geniş istifadə etdiyi oyun meydançalarındakı qumda asbestin aşkarlanmasıdır.

Məlumat üçün bildirək ki, asbest istiyə, kimyəvi maddələrə və yanmağa yüksək müqavimət göstərən yumşaq və uzun liflərdən ibarət təbii bir mineral olsa da, insan orqanizmi üçün zəhərli təsir yaradır.

Yüksək izolyatoru sayəsində bir çox materialı daha dayanıqlı etmək üçün istifadə olunan asbest tənəffüs yollarına düşdükdə və ya udulduqda bədəndə qala, xərçəng və ölümdən tutmuş müxtəlif narahatlıqlara səbəb ola bilər. Bu səbəbdən asbestə “ölümcül toz” da deyirlər.

Torpaqda aşkarlanan tremolit və xrizotil-asbest təhlükə mənbəyi sayılır. Tremolit mineralı ağ və boz rəngdə, xrizolit isə yaşıl, sarımtıl olur. “Ölümcül toz”a əsasən Avstraliyanın paytaxtı Kanberrada rast gəlinib.

Qeyd edək ki, asbest Avstraliyada istifadəsi qadağan olunan minerallar arasındadır.