Tramp hərbi əməliyyatı dayandırıb?

Dünya gündəmini sarsıdan son dəqiqə xəbərinə görə, ABŞ Prezidenti Donald Tramp İrana qarşı həyata keçirilən genişmiqyaslı hərbi əməliyyatların "tezliklə başa çatacağını" bəyan edib. Baku.tv-nin Vaşinqton bürosunun məlumatına görə, Tramp hərbi hədəflərin böyük ölçüdə məhv edildiyini və Tehranın hərbi potensialının "sıfıra endirildiyini" bildirib. O, bu əməliyyatı "qısamüddətli ekskursiya" adlandıraraq, ABŞ-ın uzunmüddətli müharibə niyyətində olmadığını, lakin İranın Hörmüz boğazını bağlamaq cəhdinə "20 qat daha sərt" cavab verəcəyini vurğulayıb. Eyni zamanda, Pentaqon və İsrail rəsmiləri əməliyyatların hələ tam dayanmadığını, növbəti iki həftə ərzində strateji nöqtələrə zərbələrin davam edə biləcəyini qeyd edirlər. Bazar ertəsi Trampın bu açıqlamalarından sonra dünya birjalarında neftin qiyməti kəskin şəkildə ucuzlaşaraq 100 dollar həddinə enib. Videoda hərbi əməliyyatların dayandırılması şərtləri, tərəflərin itkiləri və regionun gələcək taleyi ilə bağlı eksklüziv təhlillər yer alır.