Ukrayna 9500-dən çox vətəndaşını əsirlikdən qaytarıb | Zelenski

Rusiyanın tammiqyaslı işğalının başlanğıcından bəri Ukrayna 9500-dən çox vətəndaşını əsirlikdən qaytarıb. Onlardan 1596-sı bu il geri qayıdıb.

Bunu Ukrayna Prezidenti Volodimir Zelenski videomüraciətində açıqlayıb.

"Biz Rusiya əsirliyində olan hər bir şəxsi – həm hərbçiləri, həm də mülki şəxsləri qaytarmalıyıq. Hər bir soyadı yoxlayırıq. Mübadilələr davam edir", – deyə o qeyd edib.

Ukrayna lideri əlavə edib ki, əsirlikdən geri qaytarılanların reabilitasiyaya cəlbi vacibdir: "Onların uyğunlaşma, lazımi müalicə və sosial məsələlərin həlli – bütün bunlar vacibdir, qayğı və dəstək olmalıdır".

Qeyd edək ki, iyunun 26-da Rusiya və Ukrayna "160-ın 160-a" formulu üzrə hərbi əsir mübadiləsi həyata keçirilib. Bu barədə Rusiya mediası ölkənin Müdafiə Nazirliyinə istinadən məlumat yayıb.