Zelenski Rusiyaya uzaqmənzilli zərbələrin yeni mərhələsini elan etdi

“Ukraynanın uzaqmənzilli silahları 1500 kilometrdən çox məsafədəki hədəfləri vura bilər və müvafiq məsafələri artırmağa davam edəcəyik”.

Bunu Ukrayna Prezidenti Volodimir Zelenski deyib.

“General-mayor Yevgeni Xmaranın uzaqmənzilli kampaniyamızla bağlı hesabatı Rusiyanın müharibə potensialını məhdudlaşdırmaq üçün Ukrayna silahlarından istifadədə yeni mərhələdir. Düz xətt üzrə məsafə 1500 kilometrdən çoxdur. Müvafiq məsafələri artıracağıq, bu, Ukraynanın Rusiya terroruna qarşı tamamilə ədalətli cavabıdır”, – o bildirib.

Zelenski vurğulayıb ki, hər bir zərbənin Rusiya hərbi sənaye, logistik və neft ixracı imkanlarını azaltması vacibdir: “Nəticələr hamıya məlumdur, Rusiya müharibəyə son qoymalıdır. Diplomatiyaya keçməyin vaxtıdır, Moskva bu siqnalı eşitməlidir”.