Abşeronda faciə | 37 yaşlı kişi qətlə yetirilib - Baku TV

Abşeron rayonunda qətl hadisəsi baş verib.

Hadisə Xırdalan şəhərində yerləşən yaşayış komplekslərindən birində qeydə alınıb.

Məlumata görə, mübahisə zəminində Ruhin Əliyev tanışı tərəfindən qətlə yetirilib.

Əraziyə dərhal hüquq-mühafizə orqanlarının əməkdaşları cəlb olunub. Faktla bağlı Abşeron rayon prokurorluğunda araşdırma aparılır.

Respublika Təcili və Təxirəsalınmaz Tibbi Yardım Mərkəzindən bildirilib ki, aprelin 18-də Xırdalan şəhərində yerləşən yaşayış komplekslərindən birindən çağırış daxil olub.

Hadisə yerinə cəlb olunan təcili tibbi yardım briqadası 37 yaşlı şəxsin həkimə qədər ölümünü qeydə alıb.

Qeyd edək ki, cinayət əməlini törətməkdə şübhəli bilinən 27 yaşlı şəxs polis əməkdaşları tərəfindən keçirilən əməliyyat tədbirləri nəticəsində saxlanılaraq istintaqa təhvil verilib.