Azərbaycandan Gürcüstana görün nə keçirmək istədilər | Təcili əməliyyatın detalları

Tovuz Gömrük İdarəsinin əməkdaşlarının həyata keçirdiyi tədbirlər çərçivəsində xarici valyutanın sərhədin gömrük nəzarətindən gizli keçirilməsinin qarşısı alınıb.

Məlumatı Dövlət Gömrük Komitəsi yayıb. Qeyd olunan fakt "Qırmızı Körpü" gömrük postunda Azərbaycandan Gürcüstana gedən yük nəqliyyat vasitəsində aşkarlanıb.

Saxlanılan yük maşınının sürücüsü şifahi olaraq sorğu-sual edilib və nəqliyyat vasitəsində gömrük nəzarətindən gizlədilən, mütləq bəyan olunmalı hər hansı predmetin olmadığını bildirib.

Gömrük yoxlaması zamanı nəqliyyat vasitəsinin dartıcısının salonunda xüsusi saxlanc yerində gizlədilərək keçirilməsinə cəhd göstərilən 8 000 000 rus rublu, başqa sözlə 170 000 manat aşkar edilib.

Faktla bağlı araşdırma aparılır.