Azyaşlı su quyusuna düşərək həyatını itirdi - Baku TV

Salyan rayonunda azyaşlının ölümü ilə nəticələnən faciəli hadisə baş verib.

Hadisə rayonun Qaraçala qəsəbəsində qeydə alınıb.

Məlumata görə, qəsəbə sakini, 4 yaşlı Əli Ağarzazadə yaşadığı evin həyətində yerləşən su quyusuna düşərək həyatını itirib.

Ailə üzvləri əvvəlcə uşağın itdiyini düşünərək onu axtarmağa başlayıblar. Bir müddət sonra isə mərhumun babası azyaşlının cansız bədənini həyətdə yerləşən su quyusunda aşkar edib.

Bildirilib ki, hadisədən sonra ailə üzvləri həyətdə quraşdırılmış müşahidə kameralarının görüntülərinə baxıblar. Kameralara düşən kadrlarda uşağın quyuya düşdüyü anın əks olunduğu qeyd edilir.

Faktla bağlı Salyan Rayon Prokurorluğunda araşdırma aparılır.