Biləsuvarda faciəvi qəza baş verdi | Hadisənin detalları açıqlandı

Biləsuvarda yeniyetmənin ölümünə səbəb olan qəza baş verib.

Hadisə Biləsuvar-Bəhramtəpə avtomobil yolunun Biləsuvar rayonu ərazisində qeydə alınıb.

Bəhramtəpə qəsəbəsinə doğru hərəkət edən Cəlilabad sakini 55 yaşlı Sərdar Şahmuradovun idarə etdiyi “VAZ-2107” markalı minik avtomobili traktora çırpılıb. Qəza zamanı avtomobildə olan 8-ci sinif şagirdi Səbuhi Şahmuradov dərhal dünyasını dəyişib. Sürücü isə ağır xəsarətlərlə Biləsuvar Rayon Mərkəzi Xəstəxanasına çatdırılıb.

Hadisə şahidlərinin sözlərinə görə, minik avtomobili traktorun yoluna çıxdığından qəza baş verib. Zərbə nəticəsində avtomobildə olan yeniyetmə yolun ortasına düşüb.

Baş vermiş hadisə ilə bağlı araşdırmalar davam etdirilir.