Lənkəranda ailə faciəsi | Arvadını qətlə yetirdi, meyitləri bir evdə tapıldı - Baku TV

Lənkəran rayonunun Kərgəlan kəndində qətl hadisəsi baş verib.

Kənd sakini, 70 yaşlı Sərhad Məmmədov ov tüfəngi ilə həyat yoldaşı, 61 yaşlı Balaqız Məmmədovaya atəş açaraq onu qətlə yetirib.

Hadisədən bir qədər sonra isə Sərhad Məmmədovun da meyiti qətlə yetirdiyi həyat yoldaşının meyiti ilə birgə yaşadıqları evdə aşkarlanıb.

Hadisə yerinə hüquq-mühafizə orqanları əməkdaşları cəlb olunub. Cinayətdə istifadə olunan ov tüfəngi maddi sübut kimi götürülüb.

Meyitlər daxili və xarici müayinə olunması üçün Məhkəmə-Tibbi Ekspertiza və Patoloji Anatomiya Birliyinin Lənkəran rayonlararası zona mərkəzinə təhvil verilib.

Faktla bağlı Lənkəran Rayon Prokurorluğunda araşdırma aparılır.