Paytaxtın mərkəzində yol çökdü, təhlükəli vəziyyət yarandı - Baku TV

Bakıda nəqliyyatın intensiv olduğu ərazilərdən birində təhlükəli vəziyyət yaranıb. Cəlil Məmmədquluzadə və Nəsib bəy Yusifbəyli küçələrinin kəsişməsində yolda çökmə baş verib.

İlkin məlumatlara görə, çökməyə ərazidən keçən su borusunun partlaması səbəb olub. Qəzanın nəticələrinin aradan qaldırılması üçün Azərbaycan Dövlət Su Ehtiyatları Agentliyinin əməkdaşları hadisə yerinə cəlb olunub.

Vətəndaşlar yolun vəziyyəti ilə bağlı narazılıqlarını bildiriblər.

“Yol çökmüşdü, maşınlar çuxura düşürdü. Bunun qarşısını almaq üçün həmin hissəyə təkər qoyduq. İki-üç ay əvvəl də burada təmir işləri aparılmışdı. Təmir etsələr də, su borusu təkrar partlayır”, – onlardan biri söyləyib.