Выбрать плеер:
"Gördüm ki, 3 qoyunu boğub" | Kürdəmirdə canavarlar fermaya hücum etdi
Kürdəmirdə canavarlar növbəti dəfə qoyunçuluq təsərrüfatına hücum edib.
Hadisə rayonun Sığırlı kəndində yerləşən Mübariz Hacıyevə məxsus fermada baş verib.
Yırtıcılar qoyun sürüsünə hücum çəkərək 13 baş xırdabuynuzlu heyvanı tələf edib.
“Canavar məni görəndən sonra çəpərdən tullanıb qaçdı. Bizə təxminən 3500 manat məbləğində ziyan dəyib. Canavarların ac vaxtıdır, tədbir görə bilmirik”, – fermer Mübariz Hacıyev söyləyib.
Qeyd edək ki, iki gün əvvəl rayonun Çöl-Qubalı kəndində də oxşar hadisə qeydə alınıb. Canavarlar 16 baş xırdabuynuzlu heyvanı tələf edərək fermerə ümumilikdə 10 min manata yaxın maddi ziyan vurub.
Скопировано
Выбранные
