"Guinness"ə düşən azərbaycanlıdan acı xəbər | Ələsgər Həsənzadənin cəsədi aşkarlanıb - Baku TV

Lənkəranın Aşağı Nüvədi kənd sakini Ələsgər Həsənzadənin meyiti dənizdə tapılıb.

Onun bir neçə gün əvvəl dənizdə batdığı bildirilirdi.

Meyit aidiyyəti üzrə təhvil verilib. Faktla bağlı rayon prokurorluğunda araşdırma aparılır.

Qeyd edək ki, Ələsgər Həsənzadə Moskvada keçirilən idman yarışının qalibi olub. O, 7 yaşında olarkən 1 saat 44 dəqiqə 25 saniyə ərzində arxası üstə uzanmış halda əllərini ayaqlarına tərəf çatdıraraq, idman termini ilə desək, 3 min dəfə “press” edərək dünyada “Ginnesin Rekordlar Kitabı”na düşən ilk azyaşlı olub. Həmin vaxt balaca idmançı qızıl medal və Planetin Rekordlarının Qeydiyyatı üzrə Rusiya Komitəsinin diplomu ilə təltif edilib. O həmçinin “Ginnesin Rekordlar Kitabı”nda fəxri üzv kimi qeydə alınıb.