"Qadın kimi yaşamamalı idi" | Hoteldəki ağlasığmaz plan necə bitdi? - SONUNCU ŞAHİD

“Sonuncu şahid”in budəfəki buraxılışı Ömər Behbudovun (şərti ad və soyad) keçmiş həyat yoldaşı Nazilə Əhmədovanı (şərti ad və soyad) güllələməsinin təfərrüatları əsasında çəkilib.

Belə ki, Nazilə ilə ailə quran Ömərin bu evlilikdən bir övladı dünyaya gəlir. Lakin daha sonra o, ailə həyatı alınmadığından boşanaraq rayona, valideynlərinin yanına köçür.

“Nazilənin başqa bir şəxslə ailə qurmağına imkan verə bilməzdim” deyən Ömər keçmiş həyat yoldaşının iş yerinə yollanır və ona yalan vədlər verir. Daha sonra isə Naziləni hotelə çağırır. Orada silahla qadını yaralayır, lakin hotel işçisi Bəhlul (şərti ad) Ömərin qarşısını alaraq Nazilənin həyatını xilas edir. Ömər isə hüquq-mühafizə orqanları tərəfindən istintaqa cəlb olunur.