Sumqayıtda kioskun içində kişi meyiti aşkarlandı - Baku TV

Sumqayıt şəhərində kişi meyiti aşkarlanıb.

Hadisə şəhərin 14-cü məhəlləsində, avtobus dayanacağına bitişik kioskda qeydə alınıb.

46 yaşlı Anar Abdurrahmanovun meyiti ərazidən keçən vətəndaşlar tərəfindən tapılıb. Dərhal hüquq-mühafizə orqanlarına məlumat verilib.

Hadisə yerinə polis əməkdaşları və təcili tibbi yardım briqadası cəlb olunub. Meyit müvafiq ekspertiza üçün aidiyyəti üzrə təhvil verilib.

Şahidlərdən birinin sözlərinə görə, hadisə səhər saatlarında baş verib: “İşə gedirdim, gördüm kioskun qapısı açıqdır. Yaxınlaşanda yerdə uzanmış vəziyyətdə bir kişi gördüm. Bir müddət sonra polis və təcili yardım gəldi”.

Faktla bağlı Sumqayıt Şəhər Prokurorluğunda araşdırma aparılır.