“Real Madrid” kral klubudur, tarixi komandadır” | Mourinyu

“Benfika”nın baş məşqçisi Joze Mourinyu UEFA Çempionlar Liqasının pley-off mərhələsində “Real”la qarşıdakı qarşılaşmalar barədə danışıb.

Təcrübəli mütəxəssis bunu söyləyib:

“Bizim yalnız iki seçimimiz var idi: “Real” və ya “İnter”. Seçim məhdud idi. Bu yaxınlarda “Real”ın bir oyunçusu matçdan sonra mənə köynəyini təklif edəndə zarafatla “Benfika” oyunçularına “Real” futbolçularının taxdıqları gerbi göstərdim. Onlardan 15-i var. Onlar kraldırlar. Bu, yalnız tarix deyil. Şübhəsiz ki, turnirin əsas iddiaçısı ilə qarşılaşırıq. Amma bundan əvvəl daha üç oyunumuz var və diqqətimizi buna yönəltməliyik”.

“Benfika” Çempionlar Liqasının 8-ci turu çərçivəsində “Real”ı 4:2 hesabı ilə məğlub edib. Pley-off mərhələsində komandaların ilk görüşü fevralın 17-də, cavab matçı isə fevralın 25-də keçiriləcək.