“Bu xidmət bizə xərcsiz görünür, amma...” | Kartdan-karta ödənişlərdə dəyişiklik ediləcək? - Baku TV

“Mərkəzi Bankın hazırkı qərarının istiqaməti daha çox banklar və ödəniş sistemləri arasındakı xidmətlərin, köçürmələrin tənzimlənməsidir. Yəni bunun birbaşa vətəndaşa aidiyyəti yoxdur”.

Bunu Baku TV-yə açıqlamasında iqtisadçı Xalid Kərimli deyib.

Onun sözlərinə görə, kartdan köçürmə əməliyyatları bizim üçün pulsuz görünsə də, əslində, heç bir əməliyyat xərcsiz başa gəlmir:

“Hər bir əməliyyatın müəyyən dəyəri var. Məsələn, hazırda müxtəlif bank kartları ilə müəyyən limitlər daxilində ödənişsiz pul köçürmələri edə bilirik. Lakin bu, sözügedən xidmətin həyata keçirilməsi üçün heç bir xərc olmadığı anlamına gəlmir. Əslində, bu tariflər və xərclər həmişə mövcud olub. Banklar Mərkəzi Bankın xidmətlərindən istifadə etdiklərinə görə daim müvafiq tariflər ödəyiblər. İndi isə Mərkəzi Bank bu tarifləri dəqiqləşdirir və sistemləşdirir”.