İşğaldan azad edilmiş ərazilərdə 1500-ə yaxın layihə üzrə satınalma olub

Prezident yanında Antiinhisar və İstehlak Bazarına Nəzarət Dövlət Agentliyinin sədri Elnur Bağırov 30-cu Xəzər İnşaat Həftəsində çıxışı zamanı işğaldan azad edilmiş ərazilərdə aparılan tikinti və layihələndirmə işləri barədə statistik məlumatları açıqlayıb. O bildirib ki, 2020-2025-ci illərdə Qarabağda icra olunan 1500-ə yaxın layihə üzrə ümumi satınalma prosedurları keçirilib. Cari ilin ilk 8 ayında isə 9 şəhər, 90-a yaxın kənd və qəsəbəni əhatə etməklə 260-dan artıq satınalma prosesi həyata keçirilib. E.Bağırov, həmçinin, 2024-cü ildə tikinti sektorunun Ümumi Daxili Məhsulun (ÜDM) 6,7%-ni təşkil etdiyini və həmin sektorun bu ilin yanvar-avqust aylarında 4% artım göstərdiyini vurğulayıb.