Şirkət tərəfdaşlarla aktiv müzakirə aparır - Baku TV

“SOCAR ABŞ-də hasilat layihələrində iştirak etməyə böyük maraq göstərir”.

“Trend”in məlumatına görə, bunu şirkətin prezidenti Rövşən Nəcəf ABŞ-Azərbaycan Ticarət Palatasının 30 illiyinə həsr olunmuş ABŞ-Azərbaycan ticarət və biznes konfransında çıxışı zamanı bildirib.

O qeyd edib ki, SOCAR həmçinin ABŞ-də istehsal layihələrinin qiymətləndirilməsində və onlarda pay əldə etməkdə çox maraqlıdır. Hazırda ABŞ-də potensial satınalmalarla bağlı bir neçə tərəfdaşla aktiv müzakirələr aparılır.

R.Nəcəf əlavə edib ki, Azərbaycan qeyri-ənənəvi neft və qaz ehtiyatlarının işlənməsi ilə məşğul olmağa başlayır. Belə ki, əvvəllər dənizdə neft və qaz yataqlarına diqqət yetirilirdi. İndi isə dəniz yataqlarının işlənməsi ilə paralel olaraq, quruda qeyri-ənənəvi sərvətlərin işlənməsi də həyata keçirilir.